चिकन मसाला

साहित्य:
५०० ग्राम साफ करून ठेवलेले चिकनचे तुकडे
२ मोठे कांदे चिरलेले
२ टोमॅटो चिरलेले
२ टेस्पून आलं+लसूण+कोथिंबीर वाटून
२ चमचे खसखस भिजवून वाटणे
३ मोठे चमचे दही
१ चमचा हळद
२ चमचे लाल तिखट
१ १/२ चमचे गरम मसाला
मीठ चवीनुसार
पाव वाटी तेल+ २ चमचे तुप
२-३ तमालपत्र
२-३ दालचिनी
१ छोटा चमचा शहाजिरे
चिरलेली कोथिंबीर सजावटीसाठी

पाककृती :
साफ करून ठेवलेले चिकनचे तुकड्याना दही , आलं+लसूण+कोथिंबीर च्या वाटणमधील थोडे वाटण, थोडी हळद लावून एक तास झाकून ठेवणे.
प्रेशर कुकरमध्ये तेल+तुप गरम करून त्यात तमालपत्र , दालचिनी व शहाजिरे घालणे.
चिरलेले कांदे घालून ते लालसर परतणे.
त्यात आलं+लसूण+कोथिंबीर वाटण, चिरलेले टोमॅटो घालून तेल सूटेपर्यत परतणे.
वाटलेली खसखस आणी वरील सर्व मसाले घालून खमंग परतणे.
दही लावून ठेवलेले चिकन घालून गुलाबी होईपर्यत परतावे.
दीड ते दोन वाट्या पाणी घालावे ( रस्सा अंगासरशी असावा)
पुर्ण प्रेशर आले की गॅस बारीक करून ३-४ मिनिटे शिजवावे.
चिरलेली कोथिंबीर घालून सजवावे.

मसाला चहा

साहित्य
.
अर्धा कप पेक्षा थोडं जास्त पाणी 
अर्धा कप दुध
१ १/४ चमचा चहा पावडर 
१ १/२ चमचा साखर
आल्याचा अर्धा सें.मी होईल एवढा तुकडा ठेचून 
२ -३ काळी मिरी 
२ लवंग
छोटासा दालचिनीचा तुकडा
वेलची (पूड )
.
कृती
.
भांड्यात पाणी घेऊन ते गरम होऊ द्या..
थोडा पाणी तापलं कि त्यामध्ये चहा पावडर , मद साखर मग आलं, लवंग , दालचिनी, वेलची आणि वाटल्यास काळी मिरी घाला.

चहा उकळला कि मग त्यामध्ये दुध घालून त्याला उकळी फुटू द्या, म्हणजे चहा ला कच्च्या दुधाचा वास नाही येणार.

मस्त पैकी गाळून घ्या..आणि एनजोय करा..!!!
.
टीप : तुम्हाला दुधातला चहा आवडत असेल, तर दुधाचं प्रमाण जास्त घ्यावं.