कोल्हापुरी तांबडा आणि पांढरा रस्सा

तांबडा रस्सा :

साहित्य:
१) मटण १ किलो
२) आलं-लसूण १ चमचे
३) कांदा ४
४) तिखट
५) सुकं खोबरं १ वाटी
६) कोथिंबीर
७) भाजलेले तीळ १ चमचा
८) काजू वाटण अर्धा कप
९) खसखस १ चमचा
१०) मीठ चवीनुसार
११) वेलची २
२) धनेजिरे पूड २ चमच
१३) लवंगा ८
१४) दालचिनी ४
१५) मिरी ४
१६) हळद
१७) टोमॅटो प्युरी अर्धी वाटी
१८) तेल अर्धी वाटी


पूर्वतयारी: 

१. मटण स्वच्छ धुवून घेणे. थोडा कांदा बारीक चिरून उरलेला कांदा उभा चिरून तळून घेणे.
२. आलं-लसूण वाटून घेणे. तीळ भाजून घेणे. सुकं खोबरं किसून तळून घेणे.
३. खसखस भाजून घेणे. काजूचे वाटण करून घेणे.
४. कांदा-खोबरं, तीळ, खसखस, लवंग, दालचिनी, मिरी, वेलची मिक्सरमध्ये वाटून घेणे.

कृती:
१. कुकरमध्ये दोन टेबलस्पून तेल टाकून चिरलेला कांदा परतावा. त्यात आलं-लसूण लावलेलं मटण टाकून परतून घ्यावं.
२. हळद, टोमॅटो प्युरी, मीठ टाकून पाणी टाकून मटण शिजवून घ्यावं.
३. दुस-या पातेल्यात तेल टाकून कांदा-खोबरं वाटण परतून घ्यावं.
४. शिजलेलं मटण व काजू वाटण टाकावं.
५. जरूरीनुसार कांदामसाला व मीठ-तिखट चवीनुसार टाकून शेवटी कोथिंबीर टाकावी.
६. गरमागरम लाल रस्सा भात किंवा ब्रेडबरोबर खायला द्यावा.

टीप:
कोल्हापुरी कांदा मसाला असल्यास तो वापरू शकता.
________________________________________________

पांढरा रस्सा :
साहित्य:

१) अर्धा किलो मटण
२) वाटणासाठी-सुक खोबर अर्धी वाटी,
३) ३-४ लवंगा,
४) छोटा दालचिनीचा तुकडा,
५) एक चमचा खसखस,
६) २-३ मिर,
७) १०-१२ हिरव्या मिरच्या,
८) १ कांदा चिरलेला
९) २ चमचे आल लसुण पेस्ट.
१० ) १ अख्खा ओला नारळ.
११ )चवीपुरते मिठ.
१२ ) फोडणीसाठी-तेल,२ कांदे बारीक चिरलेले, तमालपत्र
कृती : 
१. मटण स्वच्छ धुवून त्याला मिठ आणि आल-लसुण पेस्ट लावून १५ मिनिटे ठेवावे.
२. नंतर प्रेशर कुकरमध्ये फोडणीसाठी तेल गरम करावे.
३. त्यात तमालपत्र अणी बारीक चिरलेला कांदा घालावा. कांद्याचा रंग गुलाबीसर झाल्यावर त्यात मटण घालावे. थोडा वेळ झाकण ठेवावे. मटणाला थोड पाणी सुटल्यावर मटणाचे पीस बुडेपर्यंत पाणी घालावे अणी ४ शिट्ट्या काढाव्यात.
४. मटण शिजेपर्यंत वरील वाटणासाठी दिलेले साहित्य एकत्र करून पाणी घालून बारीक वाटून घ्यावे आणि ओल्या नारळाचे दुध काढून घ्यावे.
५ . एका पातेल्यात तेल गरम करावे. नंतर त्यात वाटण घालून छान परतून घ्यावे. वाटण भाजल्याचा वास अल्यावर त्यात शिजवलेले मटण घालावे. नारळाचे दुध घालून १ उकळ येऊ द्यावी.

मेथकुट

साहित्य:
२ वाट्या चणाडाळ
१/२ वाटी उडीद डाळ
१/४ वाटी मूगडाळ
१/४ वाटी तांदूळ
१/४ वाटी गहू
१ चमचा हळद
१ चमचा लाल तिखट
१ चमचा हिंग
१ चमचा सुंठ पावडर
१ चमचा लाल मोहोरी
.
कृती:
.
सर्व डाळी, गहू, तांदूळ मध्यम आचेवर वेगवेगळे व कोरडेच भाजावे.

लाल मोहोरी मूग डाळीबरोबर भाजावी.

हळद, हिंग, तिखट, सुंठ पावडर एकत्र करावी. कढई गरम करावी. गॅस बंद करावा आणि हे सर्व जिन्नस थोडे शेकवून काढावे.

भाजलेल्या डाळी, तांदूळ, गहू, मोहोरी एकत्र अगदी बारीक दळून आणावे. 

हळद, हिंग, तिखट, सुंठ पावडर यांचे मिश्रण दळून आणलेल्या पिठात निट मिक्स करावे.

मसाला चहा

.
नेहेमीचे चहा चे साहित्य
लवंग
इलीची / वेलदोडे
मसाला पावडर.
.
नेहेमी प्रमाणे चहा करा...आणि क्क्ष्हह शिजवताना..त्यात २ लवंग, १ वेलदोडा, किंवा चहाचा मसाला टाका.
आणि मस्त न्जोय करा...:)

कोफ्ता

साहित्य:
.
(२ )मध्यम शिजवून किसलेला बटाटा १ टेस्पून कॉर्न फ्लोअर
१/४ ते १/२ कप किसलेले पनीर
२ टेस्पून बारीक चिरलेला कांदा
१० ते १२ मनुके/बेदाणे (optional)
१ टेस्पून काजूचे तुकडे (optional)
१ हिरवी मिरची
१ टिस्पून बटर
तळण्यासाठी तेल
मिठ
.
कृती:
.
एका लहान कढई मध्यम आचेवर तापवून १ टिस्पून बटर घालावे.

त्यात २ टेस्पून चिरलेला कांदा घालून तो ब्राऊन होईस्तोवर परतावा.

नंतर त्यात बारीक चिरलेली हिरवी मिरची, काजूचे तुकडे, मनुके घालून १ मिनीट परतावे.

शेवटी पनीर आणि मिठ घालून थोडावेळ परतावे आणि हे मिश्रण एका छोट्या वाडग्यात काढावे. थोडे कोमट होवू द्यावे.

शिजवून किसलेले बटाटे, १ टेस्पून कॉर्न फ्लोअर आणि थोडे मिठ एकत्र करून निट मळून झाकून ठेवावे.

बटाट्याच्या मिश्रणाचे साधारण १० गोळे करावे (१ इंच).

प्लास्टिकच्या पिशवीला तेल लावून या मिश्रणाची पुरी लाटावी किंवा हातानेच मोदकासाठी करतो तशी पारी करावी.

त्यात आवश्यक तेवढे पनीरचे मिश्रण मध्यभागी ठेवून पुरी सर्व बाजूनी बंद करावी.

आणि हे कोफ्ते मध्यम आचेवर गोल्डन रंगावर तळून काढावे.
.
सॉस, हिरवी चटणी , लाल चटणी , किंवा चिंचेच्या चटणी बरोबर मस्त लागतात .

कोफ्ता करी

साहित्य:
.

३/४ कप कांदा पेस्ट (स्टेप १)
१/२ कप टॉमेटो प्युरी (स्टेप २)
१ टेस्पून आलेलसूण पेस्ट
१/२ टिस्पून गरम मसाला
१/४ टिस्पून हळद
१/२ टिस्पून लाल तिखट
१ टिस्पून धणेपूड
१ टिस्पून जिरेपूड
१/४ कप दूध (होल मिल्क)
१ टेस्पून तेल
७-८ पनीरचे लहान तुकडे
मिठ
.
कृती:
.
साधारण २ कांदे प्रेशर कूकरमध्ये २-३ शिट्ट्या करून शिजवून घ्यावेत. मिक्सरमध्ये पेस्ट करून घ्यावी.

२ मोठे लालबुंद टॉमेटो शिजवून त्याची साले काढावीत, बिया काढून टाकाव्यात. मिक्सरमध्ये प्युरी करून घ्यावीत.

कढईत तेल गरम करावे. त्यात आलेलसूण पेस्ट परतावी. हळद, लाल तिखट घालावे व ढवळावे. नंतर कांद्याची पेस्ट घालून मंद आचेवर ५ मिनीटे वाफ काढावी.

नंतर टॉमेटो प्युरी घालून ढवळावे.धणेपूड आणि मिठ घालून मंद आचेवर कढई झाकून वाफ काढावी. शेवटी गरम मसाला टाकून वाफ काढावी.

अशी ग्रेव्ही तयार करून ठेवावी आणि कोफ्ते घालायच्या आधी त्यात दूध घालून मंद आचेवर ५ मिनीटे उकळवावे.

ग्रेव्ही मंद आचेवर गरम करावी व त्यात दूध घालून मिक्स करावे. कढईवर झाकण ठेवून ५ मिनीटे मंद आचेवर उकळू द्यावे, पनीरचे तुकडे घालावे.

तयार कोफ्ते सर्व्हींग प्लेटमध्ये ठेवावेत त्यावर गरम ग्रेव्ही घालावी. कोथिंबीर आणि द्राक्षं घालून सजवावे. नान, रोटी किंवा पोळीबरोबर सर्व्ह करावे.
.
TIP :- कोफ्ता करी करताना आधी करी करून घ्यावी. म्हणजे कोफ्ते नरम पडणार नाहीत.

बटर चिकन

साहित्यः

चिकन (Boneless) - २ Chicken breastsकांदा - १ बारीक चिरुन
टोमॅटो - ४ बारिक चिरुन
काजु १ तास पाण्यात भिजवुन - १०-१२
दही - ४ चमचे
आले-लसुण पेस्ट - ३ चमचे
तिखट -४ चमचे
हळद - २ चमचे
गरम मसाला - २ चमचे
चिकन तंदुरी मसाला - १ चमचा
काळी मिरी पावडर - २ चमचे
मोठी काळी वेलची - १
हिरवी वेलची - १
दालचिनी - १ छोटा तुकडा
तेजपान - २
काळी मिरी - ४-५
लवंग - ४-५
जिरे - १ चमचा
कसुरी मेथी - १ चमचा
Fresh cream - ४ चमचे
मध - २ चमचे
बटर - ३ चमचे
तेल - २ चमचे
मिठ चवीनुसार
कृती:
१. चिकन धुवुन त्याचे मध्यम आकाराचे तुकडे करावेत.
२. चिकनला दही, १ चमचा आले-लसुण पेस्ट, तिखट २ चमचे, १ चमचा गरम मसाला, १ चमचा हळद, १ चमचा काळी मिरी पावडर, तंदुरी चिकन मसाला व चवीप्रमाणे मिठ घालुन १-२ तास marinate करावे.
३. चिकन १-२ तास मुरल्यावर ते Oven मधे भाजुन घ्यावेत.
४. दुसर्‍या कढई मधे तेल व बटर गरम करावे. त्यात सर्व आख्खा गरम मसाला टाकावा.
५. मसाला परतल्यावर त्यात बारीक चिरलेला कांदा टाकावा.
६. ते परतल्यावर त्या मधे आले-लसुण पेस्ट टा़कुन परतावे.
७. हे झाल्यावर त्या मधे हळद, तिखट, गरम मसाला, काळी मिरी पावडर टाकुन निट मिक्स करावे.
८. मसाल्याचे तेल सुटु लागल्यावर त्यात बारीक चिरलेला टोमॅटो व भिजवलेले काजु टाकुन मिक्स करावे.
९. त्यात चवीप्रमाणे मिठ व कसुरी मेथीची पुड करुन टाकावी व गॅस बंद करावा.
१०. आता ह्या तयार केलेल्या मसाल्याची मिक्सर मधे एकदम fine puree करुन घ्यावी.
११. ही puree गाळणी मधुन गाळावी.
१२. कढई मधे बटर गरम करावे. त्यात गाळलेली puree टाकावी.
१३. त्याला थोडी उकळी आल्यावर त्यामधे चिकनचे तयार केलेले तुकडे टाकावेत व झाकन ठेवुन १-२ मिनिट उकळी येउ द्यावी.
१४. सर्वात शेवटी त्यात क्रिम व मध टाकावे.
१५. तयार झालेले बटर चिकन प्लेट मधे काढुन, वरतुन क्रिम टाकुन गरम serve करावे.

टिपः

१. आवडत असल्यास चिकनचे तुकडे with bone घेउ शकता.
२. मसाला मिक्सर मधे बारीक करण्या आधी त्यातुन काळी वेलची काढुन टाकावी.
३. ह्या डिशला मधामुळे एक वेगळीच चव येते.
४. आवडत असल्यास तुम्ही ह्यात लाल रंग वापरु शकता.
५. शाकाहारी लोक चिकन एवजी पनीर वापरु शकतात.

सोल कढी:

साहित्य:

१० /१२ आमसुले, 
१ कप पाणी, 
१ नारळ, 
२/३ हिरव्या मिरच्या, 
३-४ लसूण पाकळ्या, 
पाव कप चिरलेली कोथिंबीर,
 मीठ 
साखर. 






कृती:

आमसुले पाण्यात एक तास भिज्वावीत, पाण्यातून आमसुले न कुस्करता काढून टाकावीत (कोकमाचे आगळ वापरले तरी चालते) नारळ खोऊन त्याचे दुध काढावे. मिरच्या लसूण कोथिंबीर एकत्र वटव. नंतर नारळाचे दुध, आमसुलाचे पाणी एकत्र करून त्यात वाटलेला मसाला, मीठ घालावे. कढीपत्त्याची पाने चिरून घालावीत

बटाटा वडा

• साहित्यः
• 
  
• बटाटे - ३ 
• उकडलेले बेसन पीठ  
• १ वाटीकांदा  
• बडिशेप - १/२ चमचा
• आले-लसुण पेस्ट - १ चमचा
• हिरव्या मिरच्या - २
• ओवा - १/४ चमचा
• लाल तिखट - १ चमचा
• हळद - १ चमचा
• कडिपत्ता - ४-५तेल तळण्यासाठी
• मिठ चवीनुसार 
• २ हिरव्या मिरच्या आणि लसुणची चटणी सजावटीसाठी
• कृती:
• १. कांदा बारीक चिरुन घ्यावा. उकडलेले बटाटे हाताने कुस्करुन घ्यावेत.
• २. हिरव्या मिरच्या व बडिशेप मिक्सर मधे बारीक करुन घ्यावे.
• ३. कढईत २ चमचे तेल गरम करावे. तेल गरम झाल्यावर त्यात कडिपत्ता टाकावा.
• ४. कडिपत्ता थोडा तळला गेल्यावर त्यावर कांदा २-३ मिनिट परतुन घ्यावा.
• ५. त्यामधे हळद, आले-लसुण पेस्ट व हिरवी मिरची-बडिशेप टाकुन परतावे.
• ६. २ मिनिट हे परतल्यावर त्यात बटाटा टाकावा.
• ७. त्यात चवीनुसार मिठ व थोडी कोथींबीर बारीक चिरुन टाकवी. निट मिक्स करुन २-३ मिनिट झाकुन ठेवावे. थोड्या वेळाने गॅस बंद करावा.
• ८. दुसर्‍या भांड्यामधे १ वाटी बेसन, ओवा, लाल तिखट, हळद व चवीनुसार मिठ टाकावे. आपण भजी करताना batter बनवतो, त्याप्रमाणे ह्याचे batter बनवुन घ्यावे. batter तळल्यानंतर crispy होण्यासाठी ह्यात १ चमचा गरम तेल किंवा १ चिमटी खायचा सोडा टाकावा.
• ९. हे करत असताना दुसर्‍या कढईत तळण्यासाठी तेल गरम करण्यास ठेवावे.
• १०. बटाट्याच्या मिश्रणाचे गोळे करुन घ्यावेत व त्याला वड्यांचा आकार द्यावा. प्रत्येक वडा बेसनाच्या batter मधे बुडवुन त़ळुन घ्यावा.
• ११. हे वडे तळलेली मिरची किंवा लसुणची चटणी ह्यासोबत गरम serve करावा

ठाण्याचा सांस्कृतिक ठेवा : मामलेदार ची प्रसिध्द मिसळ

साहित्य -
कांदे ४/५ + वरुन घालण्यासाठी २ ,बटाटे ४/५,लसुण १ मोठा गड्डा,१ बोटभर आल्याचा तुकडा
तेल १.५वाट्या,तिखट १.५वाटी,गरम मसाला ४ चमचे
१०० ग्राम पापडी,२५०ग्राम हिरवे वाटाणे,५००ग्राम फरसाण
चवीनुसार मीठ




कृती -
हिरवे वाटाणे ५/६ तास भिजत घालावेत. नंतर कुकर मधुन ३/४ शिट्ट्या देऊन शिजवावे.बटाटे उकडून घ्यावे.४/५ कांद्यातील ३ कांदे वाटून घ्यावे. लसुण व आले वाटून पेस्ट करावी,उरलेले २ कांदे बारीक चिरुन घ्यावे.

पापडी कुटून घ्यावी व पाण्यात भिजत घालावी.

एका जाड बुडाच्या पातेल्यात १ वाटी तेल तापत ठेवावे. चांगले तापले की त्यात वाटलेला कांदा घालुन परतावे,मग वाटलेला लसुण घालून परतावे. १.५ वाटी तिखटातील ३/४ वाटी त्यात घालावे व भरपुर परतावे,गरम मसाला घालुन परतावे.इतके परतावे की तेल सुटले पाहिजे.मग त्यात उकडलेले वाटाणे घालावे,पाण्यात भिजवलेली पापडी घालावी,मीठ घालावे.पाणी घालून उकळू द्यावे.

उरलेले १/२ वाटी तेल एका कढईत तापत ठेवावे.त्यात बारीक चिरलेले २ कांदे घालून परतावे,उरलेले तिखट घालून परतावे,थोडे मीठ घालावे.व हे मिश्रण वेगळे ठेवावे.

वरुन घालायसाठी कांदे बारीक चिरावे,उकडलेले बटाटे चिरावे.

खोलगट ताटलीत आधी फरसाण,त्यावर बटाटे ,त्यावर रस्सा,आणि त्यावर कांदा घालून द्यावा.

"जादा तिखा"- ३नं हवे असेल तर वेगळी तर्री वरुन घ्यावी.
वि.सू.
१.ह्या मिसळी बरोबर पाव चांगला लागतो ,पण दही ह्या मिसळी बरोबर खाऊन तिचा अपमान करू नये.नंतर ताक प्यावे.

अतिशय महत्त्वाचे:

२.दुकानातून फरसाण घेताना त्यात गोडसर पदार्थ उदा.बेदाणे,मक्याचा चिवडा इ. न घालण्यास सांगावे.

ब्रेड मिक्स ऑमलेट

साहित्य : 

दोन अंडे, 

अर्धा कांदा, 

लाल मिरची, 

मीठ, 

तूप, 

हिरवी कोथिंबीर

पूर्वतयारी : कांदा बारीक कापून घ्यावा

कृती :
अंडे फोडून चांगले फेटून घ्यावे.
मीठ, मिरची पावडर, कापलेला कांदा व हिरवी कोथिंबीर त्यात मिसळावी.
दोन्ही ब्रेड हाताने चुरून अंड्याच्या द्रावणात मिसळावे.
चमच्याने फेटून मिश्रण एकजिनसी करावे.

नॉनस्टीक फ्राइंग पॅन गॅसवर ठेवून दोन चमचे तूप टाकावे.
तूप गरम होऊन चांगल्या प्रकारे पसरल्यानंतर मिक्स केलेले अंड्याचे द्रावण पॅनवर टाकून गोलाकार पसरावे.

थोडा वेळ शेकल्यानंतर वरून तूप लावून परतून घ्यावे.
दोन्ही बाजूने तांबूस होईपर्यंत शेकून घ्यावे.
तयार झालेल्या आम्लेटचे चार-पाच तुकडे करून टोमॅटो सॉस सोबत खायला द्यावे.

टोमॅटो मॅगी

.
साहित्य
.
१ मसाला maggi.
१ मोठा टोमाटो बारीक चिरलेला
फोडणीसाठी जिरे , मोहरी, तेल .
.
कृती
.
पातेलं गरम करून त्यात थोडं तेल घालावं.
तेल गरम झाल्यावर त्यात जिरे , मोहरी ची फोडणी द्यावी .
मग टोमाटो घालून चंगला परतून घ्यावा .
नेहेमी प्रमाणे दिढ कप पाणी घालून उकळी आणावी .
आणि मग maggi चे बारीक तुकडे करून पाण्यात घालावे .
नेहेमी प्रमाणे शिजवून सर्व्ह करावी.
.
तुम्ही कांदा हि वापरू शकता.
फक्त कांदा परतताना थोडे मीठ टाकावे म्हणजे कांद्याला देखील चव येईल .

चोकलेट सँडविच

 साहित्य  :
२ ब्रेड स्लाइस
अमूल बटर
डेरी मिल्क चोकलेट (साधी )
.
कृती
.
२ ब्रेड स्लाइस घ्या .
त्यावर एके बाजूला बटर लाऊन थोडेसे भाजून घ्या .
मग एका स्लाइस च्या आतील बाजुवर्ती चोकलेट खिसून घाला.
दुसरा स्लाइस त्यावरती ठेवा .
हाय फ्लेम वरती चोकलेट वीरघळू पर्यंत भाजा .
आणि मग गरामा गरम सेर्व्ह करा.

फ्राईड राईस

.साहित्य
.
भात .
तेल
मीठ
मसाला / जिरे- धने पूड .
शिमला मिरची
कोबी
बटाटा
( सर्व भाज्या थोड्या मोठ्या आकारात कापून घ्याव्या )
.
कृती
.
एका कढई मध्ये तेल गरम करावं.
त्यात आधी बटाटा घालून परतून घ्यावा.
२ ३ मिनिटांनी शिमला मिरची घालून परतावी.
मग कोबी घालून पुन्हा थोडा वेळ परतावी.
भाज्या चांगल्या फ्राय होऊ पर्यंत त्या परताव्या.
तोपर्यंत भात सुट्टा करून घ्यावा .
भाज्या परतवून घेताना त्यात थोडे मीठ घालावे..म्हणजे भाज्यांना पण चव येईल..
भाज्या चांगल्या परतून झाल्यावर त्यात धने-जिरे पूड किंवा मसाला टाकावा.
२ मिनिटांनी कढईत भात घालून सर्व भाज्या त्यात व्यवस्तीत मिक्स करून घ्याव्यात.
पुन्हा चवीपुरते मीठ घालून परतावे.
मग कढईवर झाकण लाऊन मंद आचेवर्ती ठेवावे.
आणि ५ मिनिटांनी गरम गरम सेर्व्ह करावे.
.
भाज्यांमध्ये तुम्ही बीन्स , गाजर , मटार सुद्धा वापरू शकता.

चीज सँडविच

साहित्य
.
२ ब्रेड स्लाईसेस
चीज स्लाईस / क्यूब
बटर
.
कृती
.
दोन्ही स्लाईसेस ना एके बाजूने बटर लाऊन घ्यावे.
एका स्लाईस च्या आतील बाजूवर चीज खिसून घालावे.
किंवा चीज स्लाईस ठेवावा.
त्यावरी २रा ब्रेड स्लाईस उलटा ठेवावा .
तुम्ही याला मायक्रोवेव/ ओव्हन मध्ये ग्रील करू शकता , तव्या वरती भाजू शकता किंवा मेकर मध्ये सुद्धा ग्रील करू शकता.
चीज मेल्ट झाला कि गरामा गरम सर्व्ह करावे.

आलू पराठा .

.
साहित्य
.
कणिक (चपाती साठी करतो ते )
उकडलेले बटाटे कापून घ्यावे
तेल
जिरे - मोहरी
बारीक कापलेल्या मिरच्या / लाल तिखट
सब्जी मसाला / धने -जिरे पूड
मीठ
साखर (चिमटभर)
( आलं पेस्ट , कांदा-बारीक कापलेला / लसून पेस्ट . )

.
कृती
कढईत तेल गरम करावं.
त्यात जिरे- मोहरी घालावे.
आलं - लसून पेस्ट / कांदा घालावा
मिरच्या टाकाव्यात.
छान परतून घ्यावं.
मग त्यात मटार घालून थोडा वेळ परतावं.
बटाटा घालून छान मिक्स करावं.
त्यात हळद, चिमटभर साखर , मीठ घालावा.
सब्जी मसाला घालून व्यवस्तीत मिक्स करावं.
सब्जी मसाला नसेल, तर लाल तिखट थोडे जास्त घालावे.
झाकण लाऊन ५ मिंट मंद आचेवर ठेवावे.
.
एका प्लेट मध्ये थोडी भाजी घेऊन त्याला कुस्करावे म्हणजे लाटताना सारण बाहेर येणार नाही.
आता कणकेचा गोळा घेऊन तो थोडा पसरट करून गोलाकार करावा आणि त्यामध्ये भाजी भरावी..
आणि त्याच तोंड बंद करावं.
लाटताना पीठ लाऊन लाटाव.
तव्यावरती तेल सोडावं आणि त्यावरती पराठा मिडीयम फ्लेम वरती भाजावा.
गरम गरम पराठा लोणचे , दही बरोबर सेर्व्ह करावे.
पराठ्या वरती मस्त अमूल बटर लावावे .

आमरस

.
साहित्य
.
२ ३ छान पिकलेले आंबे .
थोडसं गुळ / साखर
वेलची पूड
पाणी
.
कृती
.
आधी आंब्यांना हातात घेऊन अंगठ्यांनी दाबून मऊ करून घ्यावेत.
त्यानंतर देठा जवळील थोडंसं भाग काढून आंबा पिळावा.
एका पसरट पातेल्यात थोडंसं पाणी घ्यावं.
सालीला उलटं करून पाण्यामध्ये बुडवून साली वरचा गर काढावा.
कोयीचा गर पण काढावा.
सगळं रस एकत्र करून , त्याच्या गोडाच्या प्रमानावर्ती गुळ / साखर त्यात मिसळावे .
सेर्व्ह करायच्या वेळी त्यात वेलची पूड घालून मिक्क करावे.
.
टिप्स : साखरे ऐवजी गुळ वापरणे चांगले .
गुळ लगेच मिक्स व्हावा यासाठी गुळाला चाकूने कापावे..(बारीक पातळ स्लाईसेस काढाव्यात)
आंब्याचा रस मिक्सर मधून अजिबात काढू नये.हाताने केलेल्या आमरसाची चव वेगळीच येते.
आमरस बनवून थोडा वेळ फ्रीज मध्ये ठेवून मग सेर्व्ह कलं तरी छान .
चपाती किंवा पुरी बरोबर सेर्व्ह करा.

सांबार

.
साहित्य
.
१ वाटी तूर डाळ
२ टोमाटो बारीक कापलेले
२ मोठे कांदे बारीक कापलेले.
जिरे
मोहरी
हिंग
तेल
मीठ
हळद
कडीपत्ता
लाल तिखट.
सांबार मसाला (अव्हरेस्ट )
थोडीशी साखर.
कोहळा (ऑप्शणल )
.
कृती
.
डाळ आणि टोमाटो कुकर मध्ये घालून ३ शिट्ट्या द्याव्यात.
डाळ शिजल्या नंतर रवी ने त्याला घुसळावे म्हणजे डाळ आणि पाणी एकजीव होतील आणि टोमाटो सुद्धा बारीक होईल.
मोठ्या पातेल्यात तेल गरम करून त्यात आधी जिरे ,मोहरी, कडीपत्ता मग कांदा घालून परतावे.
कोहळ्याचे थोड्या मोठ्या साईझ चे तुकडे घालावेत.

हिंग घालून मग डाळ घालून मिश्रण थोडावेळ गरम होऊ द्यावे.
मग हळद आणि २ चमचे सांबार मसाला टाकावा.
तुमच्या आवडीनुसार चमचमीत आणि तिखट सांबार हवे असेल, तर थोडा जास्त मसाला घालावा, किंवा तिखट घालावे.

चवीनुसार मीठ घालावे.
अर्धा टी स्पून साखर घालून उकळू द्यावे.
इडली , डोस्या बरोबर गरामा गरम सर्व्ह करावे.

सोयाबीन कटलेट

साहित्य :

अर्धा कप सोया ग्रनुअल्स
अर्धा कप उकडलेले मुग
एक उकडलेला बटाटा
पाव कप बारीक चिरलेला कांदा
एक टी स्पून गरम मसाला
बारीक चिरलेली कोथिंबीर
चवीनुसार बारीक चिरलेल्या हिरव्या मिरच्या आणि मीठ
थोडा रवा
तेल

कृती :


सोया ग्रनुअल्स शिजवून घेऊन त्यातले पाणी काढून टाका. बटाटा चांगला मॅश करून घ्या.
एका पसरट भांड्यामध्ये सोया ग्रनुअल्स, मुग, बटाटा, कांदा, गरम मसाला, कोथिंबीर, हिरव्या मिरच्या आणि मीठ टाकून चांगले मिक्स करून घ्या.
एका बाजूला नॉन स्टिक तवा गरम करायला ठेवा. तयार केलेल्या मिश्रणाचे छोटे छोटे गोळे करून दाबून त्यांना कटलेट चा आकार द्या.
एका प्लेट मध्ये रवा पसरवा. त्या रव्यावर कटलेट ठेवून कटलेट दाबा म्हणजे रवा कटलेट ला चांगला लागेल. हा रवा कटलेट च्या दोनही बाजूना लावा.
गरम झालेल्या तव्यावर तेल टाकून हे कटलेट त्यावर दोनही बाजूने तांबूस होईपर्यंत भाजा.
हे गरमागरम कट्लेट कुठल्याही सॉस किंवा चटणी बरोबर खायला द्या.

मसाला इडली

साहित्य
.
इडली
फोडणीसाठी तेल, जिरे, मोहरी, तिळ, कडीपत्ता.
मीठ, तिखट.
खोबऱ्याची चटणी, शेंगदाण्याची चटणी , कोरट्याची चटणी.
(तुम्हाला आवडते ती सुकी चटणी)
.
कृती
.
इडली कट करून तुकडे करून घ्या.
कढईत तेल गरम करून त्यात मोहरी, जिरे, तिळ, कडीपत्ता घालून फोडणी तयार करा.
मग त्यात इडली चे तुकडे घालून मिक्स करा.
तुम्हाला हवी असेल ती चटणी भरपूर प्रमाणात घाला.
आणि मिक्स करा. थोडंसं मीठ घालून व्यवस्तीत एकजीव करून घ्या.
जास्ती तिखट आवडत असेल, तर लाल तिखटाचा वापर करू शकता.
२ मिनिट झाकण लाऊन मग गरम गरम सर्व्ह करा.
हा पदार्थ गरम गरम खाण्यातच मज्जा आहे.

टॉर्टिला चिप्स

साहित्य :

एक वाटी मक्‍याचं पीठ , 2 टेबल स्पून कणीक, 1/2 टी स्पून चिली फ्लेक्‍स किंवा लाल तिखट, 1 टी स्पून चाट मसाला, मोहनासाठी तेल, मीठ आणि तळण्यासाठी तेल.

कृती :

सगळी पिठं मिक्‍स करा. तेलाचं मोहन अर्धा चमचा, चवीपुरतं मीठ, मसाले घाला. पाण्यात घट्ट भिजवून घ्या. अर्ध्या तासाने पोळी लाटून त्याचे पिझ्झासारखे तुकडे कापा. फोर्कने टोचून घ्या. थोडंसं सुकू द्या. तेलात तळून घ्या.

कैरीचा सालसा :

साहित्य :

कमी आंबट असलेली 1 कैरी, 1 मध्यम कांदा, तीन-चार लसूणपाकळ्या, मूठभर कोथिंबीर, चार-पाच भज्यांच्या मिरच्या, 1 टी स्पून ओरेगॅनो; मीठ, साखर, हवं असेल तर ऑलिव्ह ऑइल आणि 1 किसलेला चीज क्‍यूब.

कृती :

कैरी सालासकट अर्धी बारीक चिरा, अर्धी किसा. फोडी किंचित वाफवून घ्या. कांदा अगदी बारीक चिरा. लसूण आणि मिरच्या गॅसवर भाजून छान खमंग करून बारीक चिरा किंवा ठेचा. कोथिंबीर हातांनी तोडून बारीक करा. सगळं साहित्य नीट मिक्‍स करा. हवं असेल तर दोन टी स्पून ऑलिव्ह ऑइल घाला, मीठ-साखर घाला. टॉर्टिला चिप्सवर पसरवून खा. वाटल्यास चीज भुरभुरा.
साहित्य पाहिलं तर काय आहे- कैरीची चटणी आणि पोळी, पण एकदम ग्लॅमरस! टार्टिला चिप्स आणि कैरीचा सालसा एक मस्त इव्हिनिंग स्नॅक आहे.